உடலிற்கு ஆரோக்கியத்தை அள்ளித்தரும் வேர்க்கடலை!

வேர்க்கடலையை தினமும் ஒரு கைப்பிடி அளவு சாப்பிடுவது உடலுக்கு பல்வேறு ஆரோக்கிய நன்மைகளை தருகின்றது.

உடலிற்கு ஆரோக்கியத்தை அள்ளித்தரும் வேர்க்கடலையில் எண்ணற்ற சத்துக்கள் அடங்கி இருக்கின்றது. தினமும் இதனை எடுத்துக்கொண்டால் உடலில் பல மாற்றங்களை நம்மால் உணர முடியும்.

மாமிசம், முட்டை, காய்கறிகளைவிட வேர்க்கடலையில் புரதச்சத்து அதிகம். இது தவிர பொஸ்பரஸ், தையாமின், நையாசின் ஆகிய சத்துக்களும் அடங்கியுள்ளன.

இதில் உள்ள எண்ணெய்ச் சத்து, எளிதில் ஜீரணமாகக்கூடியது. சிறந்த மலமிளக்கியாகவும், சருமத்துக்குப் பளபளப்பூட்டக்கூடியதாகவும் விளங்குகிறது. இதனைச் சாப்பிடுவதால் உடல் குளிர்ச்சியால் ஏற்படும் ஆஸ்துமா, ப்ராங்கைடிஸ் போன்ற நோய்கள் குணமாகும்.

வேர்க்கடலையில் தேவையான அளவு நல்ல கொழுப்புகள் அதிக அளவு உள்ளது. இது உங்கள் உடலில் உள்ள கெட்ட கொழுப்புகள் அனைத்தையும் கரைத்து உங்களை ஆரோக்கியமாக வைக்க உதவுகின்றது.

வேர்க்கடலையில் அதிக அளவு ஆன்டிஆக்ஸிடண்ட்ஸ் நிறைந்துள்ளது. முக்கியமாக இதனை அவித்து உண்ணும்போது ஆன்டிஆக்ஸிடண்ட்ஸ் சக்தி இன்னும் பெருகுகின்றது. 

வேர்க்கடலையில் அதிக அளவு வைட்டமின் இ மற்றும் புரதம் நிறைந்துள்ளது. உங்களின் சரும ஆரோக்கியத்திற்கு வைட்டமின் இ மிக மிக முக்கியமான ஒன்று. மேலும் புரதம் மற்றும் வைட்டமின் இ உங்களுக்கு ஆரோக்கியமான சருமத்தினை அளிக்கின்றது.

வேர்க்கடலையில் அதிக அளவு கல்சியம் மற்றும் மக்னீசியம் சத்து நிறைந்துள்ளது. இதனை நீங்கள் தினமும் உண்டு வரும்போது உங்கள் எலும்புகளின் வலிமையினை அதிகரிக்கின்றது. மேலும் பற்களின் ஆரோக்கியத்தை அதிகரிக்க உதவுகின்றது.