சீனா வழங்கிய கற்றல் உபகரணங்கள் அடங்கிய 5,000 பாடசாலை பைகள்!

நாட்டில் ஆரம்பநிலை கல்வியைத் தொடரும் பிள்ளைகளுக்கான கிராமிய அபிவிருத்திக்கான அறக்கட்டளை (CFRD) மற்றும் அலிபாபா நிறுவனத்தின் உதவியுடன் Panda Pack வேலைத்திட்டத்தின் கீழ் பாடசாலை உபகரணங்கள் அடங்கிய 5,000 பாடசாலை பைகள் அடங்கிய நன்கொடை நேற்று பிரதமர் அலுவலகத்தில் வைத்து கையளிக்கப்பட்டது. 

இலங்கைக்கான சீன தூதுவர் கீ சென்ஹொக்கினால் குறித்த பாடசாலை பைகள் கல்வி மற்றும் உயர் கல்வி பிரதியமைச்சர் வைத்தியர் மதுர செனவிரத்னவிடம் கையளிக்கப்பட்டன.  

இந்நிகழ்வில் பிரதமரின் செயலாளர் பிரதீப் சபுதந்ரி, கல்வி உயர் கல்வி மற்றும் தொழிற் கல்வியமைச்சின் செயலாளர் நாலக கலுவெவ உள்ளிட்ட அதிகாரிகளும் கிராமிய அபிவிருத்திக்கான சீன அறக்கட்டளையின் உதவிப் பணிப்பாளர் Zou Zhiqiang  அவர்களும் பங்கேற்றனர்.