நாணய சுழற்சியில் வெற்றி பெற்ற ஓமான் அணி முதலில் களத்தடுப்பில் ஈடுபட தீர்மானித்தது.
அதன்படி முதலில் துடுப்பெடுத்தாடிய இலங்கை அணி 20 ஓவர்கள் நிறைவில் 5 விக்கெட் இழப்பிற்கு 225 ஓட்டங்களை பெற்றது.
இலங்கை அணி சார்பில் அதிகபட்சமாக குசல் மெண்டிஸ் 61 ஓட்டங்களையும், பவண் ரத்நாயக்க 60 ஓட்டங்களையும், தசுன் சானக்க 50 ஓட்டங்களையும் பெற்று கொடுத்தனர்.
226 ஓட்டங்கள் என்ற வெற்றியிலக்கை நோக்கி துடுப்பெடுத்தாடிய ஓமான் அணி 20 ஓவர்கள் நிறைவில் 09 விக்கெட்டுகளை இழந்து 120 ஓட்டங்களை மட்டுமே பெற்றது.
ஓமான் அணி சார்பில் மொஹமட் நதீம் ஆட்டமிழக்காமல் 53 ஓட்டங்களை அதிகபட்சமாக பெற்றுக் கொண்டார்.
பந்து வீச்சில் துஷ்மந்த சமீர மற்றும் மஹீஷ் தீக்ஷன ஆகியோர் தலா இரு விக்கெட்டுக்களை கைப்பற்றினர்.
Post a Comment