கூட்டு அரசின் அடுத்த ஆண்டுக்கான வரவு- செலவுத் திட்டம் நாளை நாடாளுமன்றத்தில் முன்வைக்கப்படும். ஜனவரி மாதம் உள்ளூராட்சி மன்றத் தேர்தல் நடைபெறவுள்ளமையால், தேர்தலை இலக்கு வைத்து விலைக் குறைப்பு, சலுகைகள், மானியங்களை உள்ளடக்கியதாக இந்த நிதி அறிக்கை இருக்கும் என்று எதிர்வுகூறப்படு கின்றது.நிதி அமைச்சராக மங்கள சமரவீர நியமிக்கப்பட்டதை அடுத்து அவர் தாக்கல் செய்யும் கன்னி நிதி அறிக்கை இது. கூட்டு அரசின் நிதி அமைச்சராக இதுவரை காலமும் வரவு – செலவுத் திட்டத்தை ரவி கருணாநாயக்கவே முன்வைத்து வந்தார்.
பிணைமுறிக் குற்றச்சாட்டைத் தொடர்ந்து ரவி கருணா நாயக்க அந்தப் பதவியிலிருந்து நீக்கப்பட்டார்.அந்த இடத்துக்கு மங்கள சமரவீர நியமிக்கப்பட்டார்.
வரவு – செலவுத் திட்டத்தின் இரண்டாம் வாசிப்பு மீதான விவாதம் 10ஆம் திகதி தொடக்கம் 15ஆம் திகதி வரை நடைபெறும். குழுநிலை விவாதங்கள் 16ஆம் திகதி ஆரம்பமாகவுள்ளன.
வரவு – செலவுத் திட்டத்துக்கான மூன்றாம் வாசிப்பு மற்றும் வாக்கெடுப்பு டிசெம்பர் மாதம் 9ஆம் திகதி நடைபெறவுள்ளது.
உள்ளூராட்சித் தேர்தல் ஜனவரி மாதம் நடைபெறவுள்ளதால், மக்களைக் கவரும் நோக்கில் அத்தியா வசியப் பொருள்களின் விலைக் குறைப்பு, சலுகைகள், மானியங்கள் என்பவற்றை இந்த வரவு – செலவுத் திட்டத்தில் தாராளமாகக் காணமுடியும் என்று அவதானிகள் கருத்துத் தெரிவித்தனர்.
Post a Comment