இந்தியா, சீனா, ரஷ்யா ஆகிய நாடுகளுடன் பணிபுரிவது நல்லதுதான் என்று அமெரிக்க அதிபர் ட்ரம்ப் தெரிவித்துள்ளார்.இதுகுறித்து வெள்ளை மாளிகையில் நார்வே பிரதமர் எர்னா சோல்பெர்க்வுடன் பத்திரிகையாளர்கள் சந்திப்பில் பங்கேற்ற ட்ரம்ப் இன்று (வியாழக்கிழமை) கூறும்போது, "இந்தியா, சீனா, ரஷ்யா போன்ற நாடுகளுடன் பணிபுரிவது நல்ல விஷயம்தான். கெட்ட விஷயம் அல்ல. சக்தி வாய்ந்த ராணுவம், எண்ணெய் வளம் ஆற்றலை பெற்றிருக்கிறேன் (இதை ரஷ்யா அதிபர் புதின் நிச்சயம் விரும்ப மாட்டார்). ஆனால் முன்பு இருந்த அரசு அத்தகைய ராணுவத்தை கொண்டிருக்கவில்லை.
நாங்கள் உலகில் பல நாடுகளுடன் இணைந்து பணியாற்றுகிறோம். பிற நாடுகளுடன் நட்புறவை நன்றாக பேணி வருகிறோம் என்று நினைகிறேன்.
நான் தென்கொரிய அதிபர் மூன்னுடன் இரு நாட்டு உறவுக் குறித்து காலை கூட பேசினேன். நிறைய நன்மைகள் நடைபெற இருக்கின்றன. என்ன நடக்க இருக்கிறது என்பதை பொறுத்திருந்து பார்க்கலாம்” என்றார்.
முன்னதாக வடகொரியா - தென் கொரியா இடையே இரண்டு ஆண்டுகளுக்கு பிறகு பேச்சு வார்த்தை ஏற்பட அமெரிக்கா அதிபர் ட்ரம்ப் பெரிதும் உதவினார் என்று தென் கொரிய அதிபர் மூன் ட்ரம்ப்பை பாராட்டியது குறிப்பிடத்தக்கது.
Post a Comment