இன்று முதல் எரிபொருள் விலை குறைப்பு!

இன்று முதல் அமுலாகும் வகையில் எரிபொருட்களின் விலை குறைக்கப்பட்டுள்ளது.

ஒக்டேன் 92 ரக பெட்ரோல் ஒரு லிட்டர் 2 ரூபாவால் குறைக்கப்பட்டு ஒக்டேன் 92 ரக பெட்ரோலின் புதிய விலை 136 ரூபாவாக அறிவிக்கப்பட்டுள்ளது.

ஒக்டேன் 95 ரக பெட்ரோல் ஒரு லிட்டரின் விலை 5 ரூபாவால் குறைக்கப்பட்டுள்ளதுடன், புதிய விலை 159 ரூபா என நிதி அமைச்சு தெரிவித்துள்ளது.

சுப்பர் டீசல் ஒரு லிட்டர் 5 ரூபாவால் குறைக்கப்பட்டுள்ளதுடன், அதன் புதிய விலை 131 ரூபா என அறிவிக்கப்பட்டுள்ளது.

 ஒட்டோ டீசலின் விலையில் மாற்றங்கள் ஏற்படவில்லை எனவும் ஒட்டோ டீசல் ஒரு லிட்டரின் விலை தொடர்ந்தும் 104 ரூபாவாகக் காணப்படும் என நிதி அமைச்சு கூறியுள்ளது.

சர்வதேச சந்தையில் தற்போது ஒரு பீப்பாய் மசகு எண்ணெய் 65 அமெரிக்க டொலராக குறைவடைந்துள்ளமையால், அதன் பலனை நாட்டு மக்கள் அனுபவிக்கும் வகையில் எரிபொருள் விலை குறைக்கப்பட்டுள்ளதாக நிதி அமைச்சு சுட்டிக்காட்டியுள்ளது.