கேரட்டில் உள்ள விட்டமின் ஏ சத்து கண்களுக்கு பலம் கொடுக்க கூடியது. கோடைக்காலங்களில் வெளியே செல்லும்போது அதிகமான வெயில் கண்களையும், தோலையும் பாதிக்காமல் தடுக்க தினமும் கேரட்டை தோலை சீவி சாப்பிடலாம். சீவிய தோலை அரைத்து உடலில் தடவினால் வெயிலால் ஏற்படும் வியர்குரு நீங்கும்.
தினம் பணிகளுக்கு சென்றுவிட்டு சோர்வாக வீடு திரும்பினாலோ அல்லது வீட்டுவேலைகளை முடித்து சோர்வாக இருந்தாலோ கேரட் சாறுடன் சிறிது ஏலக்காய், பனங்கற்கண்டு சேர்த்து சாப்பிடலாம். இதனால் உடல் சோர்வு உடனடியாக நீங்கும்.
நாள்பட்ட வயிற்று புண் குணமாக கேரட் துருவலுடன் உப்பில்லாத தயிர் சேர்த்து தினமும் காலை சாப்பிடலாம். இது உடலுக்கு குளிர்ச்சியை தருவதுடன், வயிற்று புண்ணையும் விரைவில் ஆற்றும். கேரட் இரத்தத்ததை சுத்தப்படுத்தும்.
தினமும் ஒரு கேரட் சாப்பிட்டு வருவதால் தோல் சுருக்கங்கள் மெல்ல நீங்கி உடல் பொலிவு பெறும். காலை நேரங்களில் சர்க்கரை சேர்க்காமல் அரை கப் கேரட் ஜூஸ் குடிப்பதால் வயிற்று புழுக்கள் வெளியேறி, வயிறு சுத்தமாகும்.
Post a Comment