சமைத்த உணவை குளிர்சாதன பெட்டியில் வைப்பது எப்படி நல்லதில்லையோ, அதேபோல் நாம் வாங்கும் முட்டையையும் குளிர்சாதன பெட்டியில் வைத்து சாப்பிடுவது ஆரோக்கியமற்றது.
அறை வெப்பநிலையில் வைத்து பராமரிக்கும் முட்டைகளை விட குளிர்சாதன பெட்டியில் வைத்து பராமரிக்கும் முட்டைகள் விரைவில் கெட்டுப்போய்விடுமாம். அதிலும் மிகவும் குளிர்ச்சியான இடத்தில் வைக்கும் போது அவை பாலைப்போல் திரிந்துவிடுகிறதாம்.
நாம் வாங்கும் முட்டையில் மேல்தோல் நீங்காமல் ஒட்டிக்கொண்டிருந்தால் அந்த முட்டையை குளிர்சாதன பெட்டியில் வைக்க கூடாது.
ஒருவேளை நீங்கள் வாங்கிய முட்டையில் சால்மோனெல்லா வகை பாக்டீரியா இருந்து, அதனை குளிர்சாதன பெட்டியில் வைத்து பராமரித்தால், இதர முட்டைகளும் அந்த கொடிய பாக்டீரியாவால் தாக்கப்படும். எனவே இதனைத் தவிர்க்க வேண்டுமெனில் அறை வெப்பநிலையிலேயே பராமரிக்க வேண்டும்.
முட்டைகளில் விரைவில் பாக்டீரியா தொற்று உண்டாகிவிடும் அபாயம் உள்ளது. குறிப்பாக வயிற்றிற்கு கேடு விளைவிக்கும் சால்மோனெல்லா வகை பாக்டீரியா முட்டைகளின் ஓடுகளில் உருவாகும்.
ஒருவேளை முட்டையைப் பயன்படுத்தி கேக் செய்ய வேண்டுமெனில் முட்டையை குளிர்சாதன பெட்டியில் வைத்து பராமரிக்க கூடாது. ஏனெனில் குளிர்சாதன பெட்டியில் வைக்கும் முட்டையினுள் உள்ள கருவானது மிகுந்த குளிர்ச்சியுடன் இருப்பதால், அதைக்கொண்டு கேக் செய்தால் அந்த கேக் கடினமானதாக இருக்கும்.
Post a Comment