லிட்ரோ எரிவாயுவின் விலை மீண்டும் அதிகரித்தது!

இன்று நள்ளிரவு முதல் எரிவாயுவின் விலையை லிட்ரோ எரிவாயு நிறுவனம் அதிகரித்துள்ளது.

இதன்படி 12.5 கிலோகிராம் எரிவாயு சிலிண்டரின் விலை 334 ரூபாவினால் அதிகரிக்கப்பட்டுள்ளதாக சங்கத்தின் தலைவர் முதித பீரிஸ் தெரிவித்துள்ளார்.

இதற்கமைவாக 12.5 கிலோகிராம் எரிவாயு சிலிண்டரின் புதிய விலை 4,743 ரூபாவாகும்.

5 கிலோகிராம் எடை கொண்ட சமையல் எரிவாயு சிலிண்டரின் விலை 134 ரூபாவினால் அதிகரிக்கப்பட்டுள்ளது. இதற்கமைவாக இதன் புதிய விலை 1,904 ரூபாவாகும்.

2.3 கிலோகிராம் எடை கொண்ட சமையல் எரிவாயு விலை 61 ரூபாவினால் அதிகரிக்கப்பட்டுள்ளது. இதற்கமைவாக இதன் புதிய விலை 883 ரூபாவாகும்.