தென்னாபிரிக்கா 18 ஓட்டங்களால் ஐக்கிய அமெரிக்காவை வீழ்த்தியது!

தென்னாபிரிக்காவுக்கும் ஐக்கிய அமெரிக்காவுக்கும் இடையில் மேற்கிந்தியத்தீவின் அன்டிகுவா, நோர்த் சவுண்ட் சேர் விவியன் றிச்சர்ட்ஸ் விளையாட்டரங்கில் நேற்று நிறைவடைந்த சுப்பர் 8 சுற்று ரி20 உலகக்கிண்ணப் போட்டியில் தென்னாபிரிக்கா 18 ஓட்டங்களால் வெற்றி பெற்றது.

அப்போட்டியில் முதலில் துடுப்பெடுத்தாட அழைக்கப்பட்ட தென்னாபிரிக்கா 20 ஓவர்களில் 4 விக்கெட்டுக்களை இழந்து 194 ஓட்டங்களைக் குவித்தது.

195 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய ஐக்கிய அமெரிக்கா 20 ஓவர்களில் 6 விக்கெட்டுக்களை இழந்து 176 ஓட்டங்களைப் பெற்று தோல்வி அடைந்தது.

இந்தப் போட்டியில் ஐக்கிய அமெரிக்கா தோல்வி அடைந்த போதிலும் கடைசி நேரத்தில் தென்னாபிரிக்காவுக்கு சவால் விடுத்தமை குறிப்பிடத்தக்கது.