தீபத்தில் மூன்று தேவிகளான துர்க்கை, லட்சுமி, சரஸ்வதி ஆகிய மூன்று சக்தியும் தீபத்தில் இருப்பதால் ஒளிமயமான முன்னேற்றம் வீட்டில் கிடைக்கின்றது. தீபம் ஏற்றி தினமும் பூஜை செய்வதால் மனதில் தோன்றும் குழப்பங்களைப் போக்க முடியும். இது உள்ளத்தின் இருளை போக்குகிறது.
மனதில் ஏற்படும் கவலை, துன்பங்கள், தீய சிந்தனைகள் ஏற்படாத வண்ணம் தடுக்கிறது. இதனால் தான் தினமும் பெண்கள் வீட்டில் விளக்கேற்ற வேண்டும் என்று நம்முன்னோர்கள் சொன்னார்கள்.
தினமும் காலை அல்லது மாலை நேரத்தில் பூஜை செய்து விளக்கு ஏற்றும் வீட்டில் லட்சுமி தேவி வாசம் செய்கின்றாள் என்கின்ற ஒரு தார்ப்பரியம் உண்டு. விளக்கேற்றுவது லட்சுமியின் சொரூபமான பெண்கள்தான் ஏற்றுவார்கள். தவிர்க்க முடியாத காரணத்தால் ஆண்கள் செய்யலாம். பொதுவாக தீபம் ஏற்றுவது வீட்டில் உள்ள பெண்கள் செய்தால் சிறப்பாக இருக்கும்.
தினமும் காலை, மாலை வீடு பெருக்கி விளக்கேற்றி பூஜை செய்வது நமது வாழ்வியல். கோவிலில் கூட்டாக தீப வழிபாடு செய்யலாம். சாமி படத்திற்கு முன் விளக்கேற்றி சுலோகம் அல்லது கடவுளின் பெயரை உச்சரிக்கலாம். வீட்டில் அரை மணி நேரமாவது விளக்கு தீபம் எரிய வேண்டியது அவசியம் ஆகும்.
Post a Comment