ஓய்வூதியத்திலுள்ள ஏற்றத்தாழ்வை நீக்க அரசு நடவடிக்கை எடுத்துள்ளது!

ஓய்வூதியதாரர்களுக்கு அதிகபட்ச நிவாரணம் வழங்க அரசாங்கம் நடவடிக்கை எடுக்கும் என்று பொது நிர்வாகம், மாகாண சபைகள் மற்றும் உள்ளூராட்சி அமைச்சர் பேராசிரியர் சந்தன அபேரத்ன நேற்று பாராளுமன்றத்தில் தெரிவித்துள்ளார்.

31.12.2015 ஆம் ஆண்டிற்கு முன்னர் ஓய்வு பெற்ற அரச ஓய்வூதியதாரர்களின் ஓய்வூதிய சமத்துவமின்மை குறித்து நாடாளுமன்ற உறுப்பினர் ஜே.சி. அலவதுவல எழுப்பிய வாய்மொழி கேள்விக்கு பதிலளிக்கும் போதே அமைச்சர் இவ்வாறு தெரிவித்தார்.

2020 ஆம் ஆண்டுக்கு முன்னர் ஓய்வு பெற்ற அனைத்து ஓய்வு பெற்றவர்களின் ஓய்வூதியத்திலும் உள்ள ஏற்றத்தாழ்வை நீக்க புதிய அரசாங்கம் நடவடிக்கை எடுத்துள்ளது.

வரவிருக்கும் வரவு-செலவு திட்டத்தில் ஓய்வூதியதாரர்களின் பிரச்சினைகள் குறித்து மேலும் கவனம் செலுத்தப்படும் என்றும் அவர் தெரிவித்தார்.

2016 முதல் 2020 வரை ஓய்வு பெற்ற ஓய்வூதியதாரர்களின் ஓய்வூதியம் வழங்கப்படாமல் நிறுத்தி வைக்கப்பட்டது. படிப்படியாக அதை வழங்க நடவடிக்கை எடுக்கப்பட்டு வருகிறது. எந்தவொரு ஓய்வூதியதாரரும் பாரபட்சம் காட்ட அனுமதிக்கப்பட மாட்டார்கள். ஜூலை முதலாம் திகதி முதல் ஓய்வூதிய திருத்தம் மேற்கொள்ளப்படும் என்றும் தெரிவித்துள்ளார்.