வாசிம் தாஜுதீனின் விசாரணைகள் பற்றி நாமல் பீதியடைய தேவையில்லை!

வாசிம் தாஜுதீனின் மரணம் தொடர்பான புதிய விசாரணைகள் குறித்து இலங்கை பொதுஜன பெரமுன பாராளுமன்ற உறுப்பினர் நாமல் ராஜபக்ஷவின் அதீத உற்சாகம் சந்தேகத்திற்குரியது. நாமல் ராஜபக்ஷவை பீதியடைந்து தடுமாற்றமடைய வேண்டாம் என்று தொழில் பிரதி அமைச்சர் மஹிந்த ஜெயசிங்க வலியுறுத்தியுள்ளார்.

ஒவ்வொரு குற்றம், மோசடி மற்றும் ஊழல் குறித்தும் அரசாங்கம் முறையான விசாரணைகளை நடத்தி குற்றவாளிகளை சட்டத்தின் முன் நிறுத்தும் என்பதால், நாமல் ராஜபக்ஷ அல்லது வேறு யாரும் பீதி அடையத்தேவையில்லை என்று அவர் ஊடகவியலாளர்களிடம் தெரிவித்துள்ளார்.

தாஜுதீனின் மரணம் குறித்து கடுமையான சந்தேகங்கள் உள்ளன. அவரது மரணத்திற்குப் பின்னால் ராஜபக்சே குடும்பத்தினர் இருப்பதாக பல ஆண்டுகளாக பல்வேறு விவாதங்கள் நடந்து வருகின்றன. இந்த விஷயத்தில் இப்போது விசாரணைகள் முறையாக நடத்தப்பட்டு வருகின்றன என்று அவர் கூறியுள்ளார்.