ஒத்திவைக்கப்பட்ட உயர்தர மற்றும் சாதாரணதரப் பரீட்சைகளுக்கான திகதிகள் அறிவிப்பு!

ஒத்திவைக்கப்பட்ட 2025 ஆம் ஆண்டுக்கான க.பொ.த உயர்தரப் பரீட்சைகள் எதிர்வரும் ஜனவரி 12 ஆம் திகதி முதல் 20ஆம் திகதி வரை நடைபெறும் என பரீட்சைகள் திணைக்களத்தால் அறிவிக்கப்பட்டுள்ளது. 

விசேட செய்தியாளர் சந்திப்பு ஒன்றிலேயே கல்வி அமைச்சின் செயலாளர் நாலக்க களுவெவ இதனை தெரிவித்துள்ளார். 

அத்துடன் 2025 ஆம் ஆண்டுக்கான க.பொ.த சாதாரண தரப் பரீட்சைகள் எதிர்வரும் பெப்ரவரி 14 முதல் மார்ச் 02ஆம் திகதி வரை நடைபெறும் என கல்வி அமைச்சு தெரிவித்துள்ளது.

நாட்டில் ஏற்பட்ட அனர்த்த நிலைமையினால் உயர் தரப் பரீட்சை தற்காலிகமாக இடைநிறுத்தப்பட்டிருந்தது. 

எவ்வாறாயினும் கல்வி பொது தராதர சாதாரண தர மாணவர்களுக்காக மாத்திரம் மூன்றாம் தவணை பரீட்சை இடம்பெறும் என கல்வி அமைச்சு தெரிவித்துள்ளது.

அதேநேரம் ஏனைய வகுப்புகளுக்கான மூன்றாம் தவணை பரீட்சை நடத்தப்படாது எனவும் அறிவிக்கப்பட்டுள்ளது.