இலங்கை மின்சார சபையின் மறுசீரமைப்பு பணிகள் மொத்தம் 5 கட்டங்களாகத் திட்டமிடப்பட்டன. அவற்றில் 4 கட்டங்கள் ஏற்கனவே வெற்றிகரமாக முடிக்கப்பட்டுள்ளதாக மின்சார சபை மாற்றத்திற்கான பணிக்குழுவின் தலைவர் புபுது நிரோஷன் தெரிவித்துள்ளார்.
அடிப்படை ஒதுக்கீட்டுத் திட்டம், வருடாந்த மின் கொள்முதல் திட்டம், நீண்ட கால மின் உற்பத்தித் திட்டம் மற்றும் நீண்ட கால மின் விநியோக மேம்பாட்டுத் திட்டம் ஆகியன பூர்த்தி செய்யப்பட்டுள்ளதாகத் தெரிவிக்கப்பட்டுள்ளது.
மறுசீரமைப்பின் இறுதிக் கட்டமான 'தேசிய மின்சாரக் கொள்கை' மற்றும் 'தேசிய மின்சாரக் கட்டணக் கொள்கை' தயாரிக்கும் பணிகள் தற்போது நடைபெற்று வருகின்றன. இவை பெப்ரவரி மாதம் மூன்றாவது வாரத்திற்குள் நிறைவடையும் என எதிர்பார்க்கப்படுகிறது.
இதனைத் தொடர்ந்து பிப்ரவரி மாத இறுதியில் மின்சார சபை கலைக்கப்படும் திகதி அதிகாரப்பூர்வமாக அறிவிக்கப்படவுள்ளது.
Post a Comment