சட்டத்தை நடைமுறைப்படுத்துவோர், பாதுகாப்புப் படையினர், நீதித்துறையினர் மற்றும் ஏனைய அதிகார சபைகள் தனிநபர் சுதந்திரத்துக்கான உரிமைகளுக்கு இலங்கையில் இன்னும் மதிப்பளிக்கவில்லை, என்று தன்னிச்சையான தடுத்துவைத்தல்கள் தொடர்பான ஐக்கிய நாடுகள் சபையின் நடவடிக்கை தூதுக்குழு காட்டமாகத் தெரிவித்துள்ளது.தன்னிச்சையான தடுத்துவைத்தல்கள் தொடர்பிலான ஐ.நாவின் மூவரடங்கிய தூதுக்குழு கடந்த 4ஆம் திகதி முதல் 15ஆம் திகதி வரை இலங்கைக்கு உத்தியோகபூர்வ பயணம் மேற்கொண்டிருந்தது. பயண நிறைவில் கொழும்பில் அமைந்துள்ள ஐ.நா. அலுவலகத்தில் நேற்று நடைபெற்ற ஊடக சந்திப்பில் வெளியிடப்பட்ட ஊடக அறிக்கையில் இந்த விடயம் குறிப்பிடப்பட் டுள்ளது.
அந்த அறிக்கையில், ஐ.நாவின் மனித உரிமைகளுக்கான பொறிமுறைகளுடன் செயற்படுவது தொடர்பிலும், சித்திரவதைக்கு எதிரான சமவாயத்தின் விருப்பத்துக்குரிய ஆரம்ப வரைவுக்கும் இலங்கையின் இணக்கப்பாட்டையும், சாதகமான முன்னெடுப்பு களையும் ஐ.நா. அங்கீகரிக்கின்றது.
பன்னாட்டு மனித உரிமைச் சட்டங்களின்கீழ் இலங்கையின் கடப்பாடுகளைச் செயற்படுத்துவது மற்றும் அரசின் தேசிய மனித உரிமைகள் நடவடிக்கைத் திட்டத்தின் மூலம் வழங்கப்பட்டுள்ள கடப்பாடுகளை நடைமுறைப்படுத்துவதற்கும் உடனடி நடவடிக்கைகள் அவசியமாகின்றன.
Post a Comment