எம்.ஜி.ஆர், இரு வேடங்களில் நடித்து வெள்ளி விழா கொண்டாடிய படம் எங்க வீட்டு பிள்ளை. 1965-ம் ஆண்டு வெளிவந்த இந்தப்படத்தில் எம்.ஜி.ஆருடன் சரோஜாதேவி, எஸ்.வி.ரங்காராவ், நம்பியார், தங்கவேலு, ரத்னா, பண்டரிபாய் உள்பட பலர் நடித்திருந்தனர். இந்தப் படம் தெலுங்கில் என்.டி.ராமராவ் நடிப்பில் வெளிவந்த ராம பீமடு படத்தின் ரீமேக் ஆகும்.தெலுங்கில் இயக்கிய சாணக்யாவே தமிழிலும் இயக்கினார். மிகச்சரியான 100 சதவிகித பொழுது போக்கு படத்திற்கு இந்தப் படத்தையே உதாரணம் காட்டுவார்கள். விஸ்வநாதன், ராமமூர்த்தி இசையில் அத்தனை பாடல்களும் சூப்பர் ஹிட்டானது. வின்செண்ட் ஒளிப்பதிவு செய்திருந்தார். விஜயா புரொடக்ஷன் சார்பில் பி.நாகிரெட்டி தயாரித்திருந்தார்.
தற்போது இந்தப் படம் நவீன டிஜிட்டல் தொழில்நுட்பத்திற்கு மாற்றப்பட்டுள்ளது. நவீன டால்வி ஒலி அமைப்பு, சினிமாஸ்கோப் போன்ற மாற்றத்துடன் மீண்டும் வெளியிட இருக்கிறார்கள். பிலிம் விஷன் நிறுவனத்தின் சார்பில் கே.ராமு வெளியிடுகிறார். வருகிற பிப்ரவரி 2ந் தேதி வெளியிடப்படுகிறது.
Post a Comment