காவல்துறை ஆட்சேர்ப்புக்கான இறுதித் திகதி நீடிப்பு!

இலங்கை காவல்துறையில் காவல்துறை கொன்ஸ்டபிள்கள், பெண் காவல்துறை கொன்ஸ்டபிள்கள் மற்றும் காவல்துறை கொன்ஸ்டபிள் ஓட்டுநர்கள் ஆகிய பதவிகளுக்கான ஆட்சேர்ப்புக்கான விண்ணப்பங்களைச் சமர்ப்பிப்பதற்கான இறுதித் திகதி 2026 ஜூன் 01 ஆம் திகதி வரை நீட்டிக்கப்பட்டுள்ளதாக இலங்கை காவல்துறை அறிவித்துள்ளது.

இந்த பதவிகளுக்கான விண்ணப்பங்களைச் சமர்ப்பிப்பதற்கான ஆரம்ப இறுதித் திகதி 2026 மே 08 ஆம் திகதியாக அறிவிக்கப்பட்டிருந்த போதிலும், 2026 மே 15 ஆம் திகதியிட்ட புதிய வர்த்தமானி அறிவித்தலின்படி இந்த கால எல்லை தற்போது நீட்டிக்கப்பட்டுள்ளது.

விண்ணப்பங்கள் பிரத்தியேகமாக இணையவழி மூலமாக மட்டுமே ஏற்றுக்கொள்ளப்படுகின்றன.

இணையவழி மூலம் விண்ணப்பங்களைச் சமர்ப்பிப்பதில் சிரமங்களை எதிர்கொள்ளும் விண்ணப்பதாரர்கள், உதவி மற்றும் வழிகாட்டல்களைப் பெற்றுக்கொள்வதற்காக காவல்துறை பயிற்சி ஆட்சேர்ப்புப் பிரிவை 071-8591925, 011-2505202 அல்லது 011-2552953 ஆகிய தொலைபேசி எண்கள் ஊடாகத் தொடர்பு கொள்ளுமாறு அறிவுறுத்தப்பட்டுள்ளனர்.