2026 ஆம் ஆண்டின் ஒன்பது மாதங்களில் 13.61 பில்லியன் டொலர் ஏற்றுமதி வருமானம்!

2026 ஆம் ஆண்டின் முதல் ஒன்பது மாதங்களில் இலங்கையின் மொத்த ஏற்றுமதி வருமானம் 13.61 பில்லியன் டொலர்களாக உயர்வடைந்துள்ளது. இந்த நேர்மறையான செயற்பாடு பொருட்கள் மற்றும் சேவைகள் ஆகிய இரு துறைகளின் வளர்ச்சியானது நாட்டின் ஏற்றுமதி துறையின் தொடர்ச்சியான விரிவாக்கத்தை பிரதிபலிக்கிறது என ஏற்றுமதி அபிவிருத்தி சபையின் தலைவரும், நிறைவேற்று பணிப்பாளருமான மங்கள விஜேசிங்க தெரிவித்துள்ளார்.

அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பின்போது மேற்கண்டவாறு குறிப்பிட்டுள்ளார்.

2026ஆம் ஆண்டின் முதல் ஒன்பது மாதங்களில் இலங்கையின் மொத்த ஏற்றுமதி, கடந்த ஆண்டின் இதே காலப்பகுதியுடன் ஒப்பிடுகையில் 5.04 சதவீதம் ஆண்டிற்கு ஆண்டு வளர்ச்சியைப் பதிவு செய்துள்ளது. 

இதன் மூலம் ஏற்றுமதி வருமானம் 13.61 பில்லியன் அமெரிக்க டொலர்களை எட்டியுள்ளது. 2025 ஆம் ஆண்டின் இதே காலப்பகுதியில் இது 12.96 பில்லியன் அமெரிக்க டாலர்களாகக் காணப்பட்டது. இது பொருட்கள் மற்றும் சேவைகள் ஆகிய இரண்டின் ஏற்றுமதியிலும் தொடர்ந்து நிலவும் வளர்ச்சியைக் காட்டுகிறது.

சமீபத்திய ஏற்றுமதிச் செயல்திறன் தரவுகள் மற்றும் இரத்தினக் கற்கள், ஆபரணங்கள் மற்றும் பெற்றோலியப் பொருட்களுக்காக இலங்கை ஏற்றுமதி அபிவிருத்தி சபை கணித்துள்ள மதிப்பீடுகளின்படி,பொருட்கள் ஏற்றுமதி 5.35 சதவீதமாக அதிகரித்து 10.76 பில்லியன் அமெரிக்க டொலர்களாக உயர்ந்துள்ளது. இது கடந்த ஆண்டின் இதே காலத்தில் 10.22 பில்லியன் அமெரிக்க டொலர்களாக இருந்தது.

இந்த வளர்ச்சிக்கு பொருட்கள் ஏற்றுமதியே முக்கிய காரணியாக இருந்தது. பொருட்கள் ஏற்றுமதி 21.66 சதவீதமாக அதிகரித்து 1.39 பில்லியன் அமெரிக்க டொலர்களாக உயர்ந்துள்ளது. இது கடந்த ஆண்டின் இதே மாதத்தில் 1.14 பில்லியன் அமெரிக்க டொலர்களாக இருந்தது.

இந்த வேகத்தைத் தக்கவைத்துக்கொள்ள, ஏற்றுமதிப் பொருட்கள் மற்றும் சந்தைகளைப் பன்முகப்படுத்துதல், மதிப்புக்கூட்டலை அதிகரித்தல், பொருட்களின் தரம் மற்றும் தரநிலைகளை மேம்படுத்துதல் மற்றும் இலங்கை ஏற்றுமதியாளர்களின் போட்டித்தன்மையை வலுப்படுத்துதல் ஆகியவற்றுக்கான தொடர்ச்சியான முயற்சிகள் அவசியமாகும் என தெரிவித்துள்ளார்.