பான் பசிபிக் ஓபன் டென்னிஸ்: பைனலில் வோஸ்னியாக்கி

ஜப்பானில் நடைபெற்று வரும் பான் பசிபிக் ஓபன் டென்னிஸ் போட்டித் தொடரின் மகளிர் ஒற்றையர் பிரிவு இறுதிப் போட்டியில் விளையாட, டென்மார்க்கின் கரோலின் வோஸ்னியாக்கி தகுதி பெற்றார். அரை இறுதியில் ஸ்பெயின் வீராங்கனை கார்பினி முகுருசாவுடன்  நேற்று மோதிய வோஸ்னியாக்கி 6-2, 6-0 என்ற நேர் செட்களில் மிக எளிதாக வென்றார்.

இப்போட்டி 1 மணி நேரத்திலேயே முடிவுக்கு வந்தது. மற்றொரு அரை இறுதியில் ஜெர்மனியின் ஏஞ்சலிக் கெர்பர் 0-6, 7-6 (7-4), 4-6 என்ற செட் கணக்கில் அனஸ்டேசியா பாவ்லியுசென்கோவாவிடம் (ரஷ்யா) போராடி தோற்றார். இறுதிப் போட்டியில் வோஸ்னியாக்கி - பாவ்லியுசென்கோவா இன்று மோதுகின்றனர்