நிறைவேற்று அதிகாரம், நாடாளுமன்றம் மற்றும் நீதித்துறை ஆகியவற்றில் அதிகார ஏற்றத்தாழ்வு இருக்க வேண்டும் என ஜனாதிபதி சுதந்திர தினத்தில் கூறினார். எனினும் 2015 ஆம் ஆண்டு மக்கள் ஒரு மாற்றத்தை செய்தனர். நாடாளுமன்றத்திற்கு அதிகாரம் இருக்க வேண்டும் என்ற நிலைப்பாட்டில் இருந்தே மக்கள் இந்த மாற்றத்தை செய்தனர்.
மக்கள் நாடாளுமன்றத்திற்கு அதிகாரம் இருக்க வேண்டும் என்ற நிலைப்பாட்டில் தற்போதும் இருக்கின்றனர். நாடாளுமன்றத்தின் அதிகாரம் குறைய வேண்டும். ஜனாதிபதியின் அதிகாரம் கூட வேண்டும் என ஜனாதிபதி நினைக்கின்றார். எனினும் அதற்கு இடமளிக்க முடியாது.
நாடாளுமன்றத்தை வலுப்படுத்துவது என்பது மக்களை வலுப்படுத்துவது. ஜனாதிபதி என்ற சர்வாதிகாரியிடம் இருந்த அதிகாரங்கள் பகிரப்பட்டுள்ளது.
இதுவே 19வது திருத்தச் சட்டத்தின் மூலம் கொண்டு வரப்பட்ட பெரிய விடயம். இதனை மாற்றுவது என்பது கடந்த காலத்தில் இருந்தது போன்ற சர்வாதிகாரத்தை மீண்டும் பெறும் முயற்சி எனவும் சரத் பொன்சேகா குறிப்பிட்டுள்ளார்.
Post a Comment