ஆசிய நாடுகளுக்கான விஜயத்தை ஆரம்பித்துள்ள அமெரிக்க இராஜாங்க செயலாளர் மைக் பொம்பியோ இந்தியாவிற்கு விஜயம் செய்துள்ளார். இவ்விஜயத்தின் பின்னர் அவர் நாளை இலங்கைக்கு வருகை தரவுள்ளார்.
அவர் இன்று இந்திய வௌிவிவகார அமைச்சர் எஸ்.ஜெயசங்கர், பாதுகாப்பு செயலாளர் ராஜ்நாத் மற்றும் இந்திய பிரதமர் ஆகியோரை சந்திக்கவுள்ளார்.
இரு நாடுகளும் வலயம் மற்றும் உலக நாடுகள் எதிர்நோக்கியுள்ள பிரச்சினைகள், இந்திய பசுபிக் வலய நாடுகளில் தமது ஆதிக்கத்தை நிலைநாட்டுவதற்கு சீனாவினால் மேற்கொள்ளப்படும் முயற்சி தொடர்பிலும் இந்த விஜயத்தில் கலந்துரையாடப்படவுள்ளது.
இந்த பேச்சுவார்த்தையின் பின்னர் அமெரிக்க அதிகாரிகள் இந்திய பிரதமர் நரேந்திர மோடியை சந்திக்கவுள்ளனர்.
இந்திய விஜயத்தை நிறைவு செய்து கொண்டு அமெரிக்க அதிகாரிகள் நாளை இலங்கைக்கு வருகை தரவுள்ளதுடன் இந்த விஜயத்தில் நாட்டின் அரசியல் தலைவர்கள் மற்றும் வௌிவிவகார அமைச்சருடன் கலந்துரையாடவுள்ளனர்.
Post a Comment