கடந்த இரண்டு நூற்றாண்டுகளில் பிரிட்டனை ஆட்சி செய்யும் வயதில் குறைந்த பிரதமராக ரிஷி சுனக் தனது பெயரை பதிவு செய்துள்ளார்.
பக்கிங்ஹம் அரண்மனையில் மன்னர் சார்ளஸை சந்தித்ததை அடுத்து அவர் பிரித்தானியாவின் 57ஆவது பிரதமராக உத்தியோகபூர்வமாக நியமனம் பெற்றுள்ளார்.
லிஸ் ட்ரஸின் இராஜினாமாவை ஏற்ற மன்னர் சார்ள்ஸ், கன்சர்வேட்டிவ் கட்சியின் தலைவராக தெரிவு செய்யப்பட்ட ரிஷி சுனக்கை அரசாங்கத்தை அமைக்குமாறு அழைப்பு விடுத்தார்.
இவ்வருடத்தில் பிரித்தானியாவின் பிரதமராக தெரிவாகும் மூன்றாவது நபர் இவராவார். இதற்கு முன்னதாக லிஸ் ட்ரஸ் மற்றும் பொரிஸ் ஜோன்சன் ஆகியோர் பிரதமர் பதவியை வகித்திருந்தனர்.
மன்னர் சார்ள்ஸை சந்தித்த ரிஷி சுனக் பின்னர் பிரதமர் அலுவலகம் அமைந்துள்ள லண்டன் வெஸ்ட்மின்ஸ்டரிலுள்ள டோவ்னிங் வீதியில் பிரதமராக தனது கன்னியை உரையை நிகழ்த்தியுள்ளார்.
Post a Comment