வடக்கு மக்கள் எதிர்கொண்டுள்ள பிரச்சினைகளுக்கு விரைவில் தீர்வு - ஜனாதிபதி

வடக்கு மக்களின் பிரச்சினைகளுக்கு அடுத்த வருடத்திற்குள் தீர்வு காணப்பட வேண்டுமென ஜனாதிபதி ரணில் விக்ரமசிங்க நேற்று பாராளுமன்றில் ஆற்றிய விசேட உரையின்போது தெரிவித்துள்ளார். 

வடக்கைப் பிரதிநிதித்துவப்படுத்தும் பாராளுமன்ற உறுப்பினர்களுடன் அடுத்த வாரம் முதல் பேச்சுவார்த்தைகளை ஆரம்பிக்க இருப்பதாகவும் அவர் தெரிவித்துள்ளார்.

காணாமல் போனோர் தொடர்பில் ஆராய்ந்து விசாரணைகளை நிறைவு செய்வதற்காக மேலதிக குழுக்களை நியமித்து விசாரணைகளை துரிதப்படுத்துமாறு நீதி அமைச்சருக்கு பணிப்புரை வழங்கியுள்ளதாகவும் தெரிவித்தார்.

அடுத்த வருடம் கொண்டாடப்படும் 75ஆவது சுதந்திர தினத்தின் போது இந்தப் பிரச்சினைகள் தீர்க்கப்பட வேண்டும் என்று குறிப்பிட்ட ஜனாதிபதி, வெளிநபர்கள் எமது நாட்டு பிரச்சினைகளில் தலையிடத் தேவையில்லை என்றும் நாமே எமது பிரச்சினைகளுக்குத் தீர்வு கண்டு முன்னோக்கிச் செல்ல வேண்டும் என்றும் குறிப்பிட்டுள்ளார்.

.