தமிழ்தேசிய கூட்டமைப்பின் தலைவர் இரா சம்பந்தன் காலமானார்!

இலங்கைத் தமிழரசுக்கட்சியின் சிரேஷ்ட தலைவரும், தமிழ்தேசிய கூட்டமைப்பின் தலைவரும், திருகோணமலை மாவட்ட பாராளுமன்ற உறுப்பினருமான இராஜவரோதயம் சம்பந்தன் சற்று முன்னர் இயற்கை எய்தினார். 

1933ஆம் ஆண்டு பெப்ரவரி ஐந்தாம் திகதி பிறந்த சம்பந்தன் தனது 91 ஆவது வயதில் காலமாகியுள்ளார். 

உடல்நலம் பாதிக்கப்பட்ட நிலையில் கொழும்பில் உள்ள தனியார் வைத்தியசாலையில் அனுமதிக்கப்பட்ட நிலையில் சிகிச்சை பலனின்றி அவர் உயிரிழந்ததாக குடும்பத்தினர் தெரிவித்தனர்.