விக்ரம் மகள் திருமணம் : கருணாநிதி நடத்தி வைத்தார்

கருணாநிதியின் மகன் மு.க.முத்துவின் பேரன் மனு ரஞ்சித்திற்கும், நடிகர் விக்ரமின் மகள் அக்ஷிதாவுக்கும், கடந்த ஜூலை 10-ம் தேதி நிச்சயதார்த்தம் நடைபெற்றது. இவர்களது திருமணம் ஓராண்டு பிறகு இன்று(அக்., 30) நடந்தது.

திமுக., தலைவர் கருணாநிதியின் கோபாலபுரம் இல்லத்தில், கருணாநிதி தலைமையில் திருமணம் நடைபெற்றது. இந்த திருமண விழாவில் இரு வீட்டாரது நெருங்கிய உறவினர்கள் மட்டும் கலந்து கொண்டனர்.

கடந்த ஓராண்டாகவே உடல்நலம் பாதிக்கப்பட்டிருந்த கருணாநிதி, எந்த நிகழ்ச்சியிலும் பங்கேற்காமல் ஓய்வில் இருந்து வந்தார். சமீபத்தில் முரசொலி அலுவலக கண்காட்சிக்கு வந்து பார்வையிட்டார். அதனையடுத்து இன்று தனது கொள்ளு பேரனின் திருமணத்தில் பங்கேற்றார்.