குறைந்த வருமானம் பெறுவோருக்கு இலவச சூரிய மின்கலங்கள்!

குறைந்த வருமானம் பெறுவோருக்கு இலவச சூரிய மின்கலங்களை வழங்கும் திட்டம் தொடர்பான பிரேரணைக்கு அமைச்சரவை அங்கீகாரம் வழங்கியுள்ளது. 

அடுத்த வாரம் முதல் இவ்வேலைத்திட்டம் அமுல்படுத்தப்படும் என மின்சக்தி அமைச்சர் காமினி லொக்குகே தெரிவித்துள்ளார்.

இதற்கமைய  5 வாட், 10 வாட் மற்றும் 15 வாட் மின்சாரம் உற்பத்தி செய்யக்கூடிய சூரியக்கலங்கள் குறைந்த வருமானம் பெறுபவர்களுக்கு வழங்கப்படவுள்ளதுடன் இவை இலவசமாக நிறுவிக்கொடுக்கப்படவுள்ளன.

மேலும் சுமார் 5 வாட் சூரியக்கலங்களைப் பெறுபவர்களுக்கு 1,500 ரூபா வழங்கப்படவுள்ளது. அவர்கள் சுமார் 10 வருடங்களின் பின்னர் 10,000 ரூபாவை பெற்றுக் கொள்வார்கள் எனவும் அவர் தெரிவித்தார்.

அதற்கமைய ஆரம்ப கட்டத்தில் ஒவ்வொரு கிராம சேவகர் பிரிவுகளிலிருந்தும் ஒவ்வொரு குடும்பத்தை தெரிவுசெய்து 14,000 வீடுகளுக்கு 5 வாட் மற்றும் 10 வாட் மின்வலு கொண்ட சூரிய மின் தொகுதிகளை வழங்குவதற்கு திட்டமிடப்பட்டுள்ளது என்றும் அவர் மேலும் தெரிவித்தார்.