நியூசிலாந்து அணி 61 ஓட்டங்களால் இலங்கையை வீழ்த்தியது!

கொழும்பு ஆர். பிரேமதாச விளையாட்டரங்கில் நடைபெற்ற 2026 ஐசிசி ரி20 உலகக் கிண்ண கிரிக்கெட் தொடரின் சுப்பர் 08 சுற்றின் இலங்கைக்கு எதிரான நேற்றைய போட்டியில் நியூசிலாந்து அணி 61 ஓட்டங்களால் வெற்றிபெற்றது.

குறித்த போட்டியின் நாணய சுழற்சியில் வெற்றி பெற்ற இலங்கை அணி முதலில் களத்தடுப்பில் ஈடுபட தீர்மானித்துள்ளது.

இதன்படி முதலில் துடுப்பெடுத்தாடிய நியூசிலாந்து அணி நிர்ணயிக்கப்பட்ட 20 ஓவர்கள் நிறைவில் 7 விக்கெட்டுகளை இழந்து 168 ஓட்டங்களைப் பெற்றது.

இந்தநிலையில் 169 ஓட்டங்களை வெற்றி இலக்காக கொண்டு துடுப்பெடுத்தாடிய இலங்கை அணி 20 ஓவர்களில் 8 விக்கெட்டுக்களை இழந்து 107 ஓட்டங்களை மாத்திரம் பெற்று தோல்வியடைந்தது.

இதனால் அரையிறுதிக்கு தகுதி பெறும் வாய்ப்பை இலங்கை அணி இழந்துள்ளது.