செப்டம்பர் மாத இலங்கை சுங்க வருவாய் இலக்கை கடந்தது!

இலங்கை சுங்க திணைக்களத்தின் செப்டம்பர் மாதத்திற்கான வருவாய் மாதம் நிறைவடைவதற்கு முன்னரே நிர்ணயிக்கப்பட்ட இலக்கை கடந்து, விஞ்சிய வருமானத்தை இலங்கை சுங்கம் பதிவு செய்துள்ளது. 

இதற்கமைய, செப்டம்பர் மாதத்திற்காகச் சுங்க திணைக்களத்திற்கு நிர்ணயிக்கப்பட்டிருந்த 195,596 மில்லியன் ரூபா வருவாய் இலக்கை நேற்று முன்தினம் அடைந்துள்ளதுடன், 199,348 மில்லியன் ரூபா வருவாயைச் சேகரித்துள்ளது. 

நேற்றைய நிலவரப்படி, சுங்க திணைக்களம் 2,058.033 பில்லியன் ரூபாய் மொத்த வருவாயைப் பதிவு செய்துள்ளது.

இவ்வருடத்திற்காக இலங்கை சுங்க திணைக்களத்திற்கு நிர்ணயிக்கப்பட்டுள்ள மொத்த வருவாய் இலக்கு 2,206.995 பில்லியன் ரூபாயாகும். 

இதேவேளை, கடந்த 2025 ஆம் ஆண்டிலும் இலங்கை சுங்க திணைக்களம் தனது வருவாய் இலக்குகளை விஞ்சி 2,557.535 பில்லியன் ரூபா உயர் வருவாயைப் பதிவு செய்திருந்தமை குறிப்பிடத்தக்கது.