நெதர்லாந்தை 17 ஓட்டங்களால் வீழ்த்திய இந்திய அணி!

அஹமதாபாத்தில் நடைபெற்ற ஐசிசி ரி20 உலகக் கிண்ண தொடரின் 36 ஆவது போட்டியில் நெதர்லாந்து அணியை 17 ஓட்டங்களால் வீழ்த்தி இந்திய அணி வெற்றி பெற்றது.

இப்போட்டியில் முதலில் துடுப்பாடிய இந்திய அணி, நிர்ணயிக்கப்பட்ட 20 ஓவர்களில் 6 விக்கெட்டுக்களை இழந்து 193 ஓட்டங்களை பெற்றது.

இந்திய அணியின் சார்பில் சிவம் துபே 66 ஓட்டங்களையும், அணித்தலைவர் சூர்யகுமார் யாதவ் 34 ஓட்டங்களையும், ஹர்திக் பாண்டியா 30 ஓட்டங்களையும் பெற்றனர்.

பந்துவீச்சில் லோகன் வன் பீக் 3 விக்கெட்டுக்களையும், ஆர்யன் தத் 2 விக்கெட்டுக்களையும் கைப்பற்றினர்.

அதைத் தொடர்ந்து 194 ஓட்டங்கள் என்ற இலக்கை நோக்கி களமிறங்கிய நெதர்லாந்து அணி 20 ஓவர்கள் முடிவில் 7 விக்கெட்டுக்களை இழந்து 176 ஓட்டங்களை மட்டுமே எடுத்து தோல்வியடைந்தது. 

இந்திய அணி தரப்பில் சுழற்பந்து வீச்சாளர் வருண் சக்கரவர்த்தி 3 விக்கெட்டுகளைக் கைப்பற்றினார்.