கனடாவை வீழ்த்தி அபார வெற்றி பெற்றது தென்னாபிரிக்கா!

அஹமதாபாத் நரேந்திர மோடி கிரிக்கெட் மைதானத்தில் நடைபெற்ற கனடா அணிக்கு எதிரான ரி20 உலகக் கிண்ண தொடரில் தென்னாபிரிக்கா அணி 57 ஓட்டங்களால் கனடாவை வீழ்த்தி அபார வெற்றி பெற்றுள்ளது.

இந்த போட்டியில் முதலில் துடுப்பெடுத்தாடிய தென்னாபிரிக்க அணி நிர்ணயிக்கப்பட்ட 20 ஓவர்களில் 4 விக்கெட்டுகளை இழந்து 213 ஓட்டங்களை பெற்றது.

அந்த அணியின் தலைவர் எய்டன் மார்க்ரம் அதிபட்சமாக 59 ஓட்டங்களை பெற்றார்.

பந்துவீச்சில் கனடா அணியின் பந்துவீச்சாளர் அன்ஷ் படேல் 31 ஓட்டங்களுக்கு 3 விக்கெட்டுகளைக் கைப்பற்றினார்.

214 ஓட்டங்கள் என்ற வெற்றி இலக்குடன் களமிறங்கிய கனடா அணி 20 ஓவர்கள் முடிவில் 8 விக்கெட்டுகளை இழந்து 156 ஓட்டங்களை மட்டுமே எடுத்துத் தோல்வியைத் தழுவியது.

கனடா அணி சார்பில் நவ்நீத் தாலி மட்டும் அதிகபட்சமாக 64 ஓட்டங்களை பெற்றார். 

தென்னாப்பிரிக்க அணியின் வேகப்பந்து வீச்சாளர் லுங்கி என்கிடி அபாரமாகப் பந்துவீசி 31 ஓட்டங்களுக்கு 4 விக்கெட்டுகளைக் கைப்பற்றினார்.