சர்வதேச சுற்றுலா ஊடகமான ”பிக் 7 டிராவல்” (Big 7 Travel) நடத்திய மதிப்பீடு, இயற்கை அழகு, பல்லுயிர் பெருக்கம், கலாசார பாரம்பரியம், சுற்றுலா அனுபவங்கள் மற்றும் உலகளாவிய பிரபலம் உள்ளிட்ட பல காரணிகளின் அடிப்படையிலான தரவரிசைப்படுத்தலில் மேற்கொள்ளப்பட்டுள்ளது.
இதற்கமைய, உலகின் முன்னணி தீவு சுற்றுலாத் தலங்களாக நீண்டகாலமாகக் கருதப்பட்டு வந்த கிரீஸ், போர்த்துக்கல், அயர்லாந்து மற்றும் தாய்லாந்து போன்ற நாடுகளைப் பின்தள்ளி இலங்கை முதலிடத்தைப் பிடித்துள்ளது.
833 மைல் நீளமான கடற்கரைகள், மூடுபனி சூழ்ந்த மத்திய மலைநாடு, உலகப் புகழ்பெற்ற தேயிலைத் தோட்டங்கள் மற்றும் வனவிலங்கு சரணாலயங்கள் போன்றவற்றுக்காக இலங்கை மிகவும் பாராட்டப்பட்டுள்ளது.
யால தேசிய பூங்கா, சிகிரியா மற்றும் பல தொன்மையான கலாச்சார சின்னங்கள் இந்த அங்கீகாரத்தைப் பெற்றுத் தந்துள்ளன.
அத்துடன், இயற்கை சூழல், கலாசாரம், வனவிலங்கு அனுபவங்கள் மற்றும் இலகுவான போக்குவரத்து வசதிகள் போன்றவற்றை ஒரே சுற்றுப்பயணத்தில் அனுபவிக்கக்கூடிய சுற்றுலாத் தலங்கள் மீது சுற்றுலாப் பயணிகளின் கவனம் அதிகரித்துள்ள நிலையில், இலங்கை உலகின் தீவு சுற்றுலாத்துறையின் புதியதொரு மைல்கல்லாக மாறிவருவதாகவும் அந்த மதிப்பீட்டில் சுட்டிக்காட்டப்பட்டுள்ளது.
Post a Comment