இதற்கான திட்டமிடல்கள் முன்னெடுக்கப்பட்டுள்ளதாகவும், எதிர்வரும் வரவு செலவுத் திட்டத்தில் இது தொடர்பான அறிவிப்பு வெளியிடப்படும் என்றும் அவர் தெரிவித்தார்.
மேலும், அரச துறையை வலுப்படுத்த 23 ஆயிரம் ஆசிரியர்கள் உட்பட புதிதாக 121,000 பேருக்கு அரச வேலை வாய்ப்பு வழங்கப்பட உள்ளதாகவும் தெரிவித்தார்.
சட்டபூர்வமாக விசாரணை செய்து, நீதிமன்றத்திற்குச் சென்று வழக்கை விசாரித்து தண்டனை பெற்றுக் கொடுப்பது அரசாங்கத்தின் பொறுப்பாகும். நாங்கள் அதற்கான சூழலை முழுமையாக ஏற்படுத்திக் கொடுத்துள்ளோம். அடுத்த கட்ட செயற்பாடுகள் விசாரணை செய்யும் அதிகாரிகளுக்கும் நீதிமன்றத்தின் முன்னிலையிலும் தான் உள்ளன. சட்டம் முறையாக நடைமுறைப்படுத்தப்படுறது.
ஏனெனில், அந்த சம்பந்தப்பட்ட நிறுவனங்களுக்கு சுதந்திரமாகச் செயல்படுவதற்கான அதிகாரங்களை நாங்கள் வழங்கியுள்ளோம். யார்? எவர்? என்ன? என்பது எங்களுக்கு முக்கியமல்ல. அதிகாரத்தைப் பயன்படுத்திச் செய்யப்பட்ட முறைகேடுகளுக்கு எதிராக சட்டம் நடைமுறைப்படுத்தப்பட்டே தீரும் எனவும் குறிப்பிட்டுள்ளார்.
Post a Comment