இன்று நிகவெரட்டிய பகுதியில் நடைபெற்ற மக்கள் சந்திப்பில் கலந்துகொண்டு உரையாற்றியபோதே ஜனாதிபதி இதனைத் தெரிவித்தார்.
தற்போதைய நிலையில் இலங்கைக்குள் மோசடி மற்றும் ஊழல்கள் முற்றாக ஒழிக்கப்பட்டுள்ளதாகவும், அரச சேவையில் இடம்பெறும் இவ்வாறான சட்டவிரோதச் செயல்களுக்குக் கடுமையான தண்டனைகள் வழங்கப்படும் என்றும் ஜனாதிபதி இங்கு வலியுறுத்தினார்.
திருட்டு மற்றும் பொதுச் சொத்துகளை வீணடிக்கும் செயற்பாடுகள் தொடரும் வரை ஒரு நாடு வளர்ச்சியடைய முடியாது. திருட்டையும், வீண்செலவுகளையும் தடுத்து நிறுத்துவதே தமது அரசாங்கத்தின் பிரதான நோக்கம் எனவும் வலியுறுத்தியுள்ளார்.
அரச ஊழியர்களின் சம்பளம் 2027 ஜனவரி மாதத்தில் மீண்டும் அதிகரிக்கப்படும் என ஜனாதிபதி அநுர குமார திசாநாயக்க அறிவித்துள்ளார்.
அரசாங்கத்தின் முதலாவது வரவு செலவுத் திட்டத்தின் ஊடாக அரச ஊழியர்களின் சம்பளம் ஏற்கனவே அதிகரிக்கப்பட்டுள்ளதாகவும், அடுத்த ஆண்டு தொடக்கத்தில் மீண்டும் சம்பள உயர்வு நடைமுறைப்படுத்தப்படும் என்றும் குறிப்பிட்டார்.
நாட்டின் அபிவிருத்தித் திட்டங்களைச் செயற்படுத்துவதற்கும், அரச சேவைகளை மக்களுக்கு வினைத்திறனுடன் வழங்குவதற்கும் வலுவான அரச சேவை அவசியம் என அவர் வலியுறுத்தினார்.
இந்த ஆட்சேர்ப்புகள் அரசியல் நியமனங்கள் மூலம் மேற்கொள்ளப்படாமல், போட்டிப் பரீட்சைகள் மற்றும் நேர்முகத் தேர்வுகள் ஊடாக நடத்தப்படும் என்றும் அவர் தெரிவித்தார்.
அத்துடன், கிராம உத்தியோகத்தர்கள், பிரிவெனாக்கள் மற்றும் ஆசிரியர் பயிலுநர்களுக்கான கொடுப்பனவுகளை அதிகரிப்பதற்கும் திட்டமிடப்பட்டுள்ளதாக ஜனாதிபதி குறிப்பிட்டார்.
நாட்டின் வளர்ச்சியை உறுதிப்படுத்துவதற்கு வலுவானதும் வினைத்திறனானதுமான அரச சேவை அவசியம் எனவும் அவர் மேலும் வலியுறுத்தினார்.
Post a Comment