ஜனாதிபதி செயலகத்துக்கு முன்பாக அமைக்கப்பட்டிருந்த கூடாரங்கள் அகற்றப்பட்டன!

ஞானசார தேரரின் காவி உடை அகற்றப்பட்டமைக்கு எதிர்ப்புத் தெரிவித்து, பௌத்த பிக்குகள் குழுவொன்று நேற்று வியாழக்கிழமை மாலை முதல் ஜனாதிபதி செயலகத்துக்கு முன்பாக முன்னெடுத்து வந்த போராட்டம் முடிவுக்குக் கொண்டுவரப்பட்டுள்ளது.

ஜனாதிபதி செயலகத்துக்கு முன்பாகப் போராட்டத்தில் ஈடுபடுவதைத் தடுத்து கொழும்பு கோட்டை நீதவான் நீதிமன்றம் பிறப்பித்த உத்தரவையடுத்து, காலி வீதிக்கு அருகில் அமைக்கப்பட்டிருந்த தற்காலிகக் கூடாரங்களை சத்தியாக்கிரகத்தில் ஈடுபட்டிருந்த பிக்குமார் உள்ளிட்ட குழுவினர் அகற்றியுள்ளனர்.

அதிஉயர் பாதுகாப்பு வலயமான ஜனாதிபதி செயலகத்துக்கு முன்பாகப் போராட்டத்தில் ஈடுபடுவதற்கு அனுமதி வழங்கக் கூடாது என நிபந்தனை விதித்து நீதிமன்றத்தில் பொலிஸார் விடுத்த கோரிக்கையை அடுத்து, கொழும்பு கோட்டை நீதவான் நீதிமன்றத்தினால் இந்த தடை உத்தரவு பிறப்பிக்கப்பட்டது.